Кездесу

Шәкәрім атындағы көпбейінді №5 гимназиясында дизайнер, суретші, архитектор, «Ар ілімі» атты кітаптың  және  мектебіміздің 100 жылдық мерейтойы эмблемасының авторы Ақанов Шалқар Асқарұлымен кездесу өткізілді.
Мақсаты: Автордың өнер туындыларымен таныстыра отырып, оқушыларға рухани азық беру, өнер және сурет әлеміне деген қызығушылықтарын ояту.
Кездесу мектептің  гимнімен басталып, Нұргүл Құлжағазықызы мен Алма Медетқызының алғысөздерімен жалғасын тапты.
Кеш барысында автор өзінің туындылары , өнер жолы, жеткен жетістіктері жайында таныстырылым жасады. Мектебіміздің эмблемасының туу тарихы оқушыларымыз үшін маңызды болды. Оқушылар өздерін  қызықтырған сұрақтары төңірегінде кеш қонағымен ой бөлісті.Қазақ тілі мен әдебиеті пәнінің оқытушысы , жас маман Базарханов Нұрболат Октябрьұлы өнер иесіне арнау жолдады.
Кездесу соңында автор мектеп кітапханасына «Ар ілімі» атты кітабын сыйға тартты. 100 жылдық мерейтой аясында ұйымдастырылған , рухани азық алған ерекше күн болды.