Мектепішілік жоспарға сәйкес №6 педагогикалық кеңес өткізілді.  Кеңес барасында 2024–2025 оқу жылындағы оқу-тәрбие жұмысы бойынша жүргізілген іс-шараларға қорытынды жасалды. Интернат тәрбиешілермен  жүргізілген «Тәрбиешінің кәсіби өсуі: білім сапасына ықпалы бар ма?» жобасының қорытындысы тыңдалды. Білім сапасын арттыруға бағытталған мұғалімдердің жұмысына мониторинг жүргізіліп, кәсіби өсу картасы негізінде  мұғалімдердің жетістіктерінің динамикасы сарапталды.

2025 жылдың 30 мамыр күні 11 сынып оқушылары орта мектеп курсы үшін қазақстан тарихы пәні бойынша ауызша қорытынды аттестаттау емтиханын тапсырды.

Мектебімізде Республикалық “Арнайы білім беру ұйымының үздік педагогі” конкурсының облыстық кезеңі өтті. Байқау арнайы және инклюзивті білім беру ұйымдарының педагогтері арасында өткізілді. Негізгі мақсат - ерекше білім беруді қажет ететін балалармен жұмыс істейтін үздік педагогтерді анықтау, олардың тәжірибесін тарату және кәсіби беделін арттыру. Байқау ұстаздардың тәжірибе жинақтауына зор үлесін тигізді.