«Арманы бір балалар» фильміне тәрбиелік-сараптамалық талдау

Жоба барысында оқушылармен бірге «Арманы бір балалар» фильміне сараптамалық талдау жасалды. Талдау кезінде фильмнің негізгі тақырыбы мен идеясы анықталып, кейіпкерлердің іс-әрекеттері мен мінез-құлқына назар аударылды.
Оқушылар фильмдегі балалардың ортақ арманы, достық, бірлік, өзара қолдау сияқты құндылықтарды талқылады. Фильм оқушыларды мақсатқа ұмтылуға, қиындыққа мойымауға және армандарға сенуге тәрбиелейтіні атап өтілді.
Талдау барысында оқушылар өз ойларын еркін жеткізіп, фильмге қатысты пікір алмасып, сыни тұрғыда ойлау қабілеттерін көрсетті. Іс-шара оқушылардың кино өнерге деген қызығушылығын арттырып, тәрбиелік мәні жоғары болды.